La nova ejo

HungaroMania 2018 okazos en Loveno (Heverlee), en la centro de Belgio.

Adreso: Heilig-Hartinstituut Heverlee, Naamsesteenweg 355, 3001 Leuven (Heverlee).
Ne uzu ĉi tiun adreson por korespondado!

Tiu ĉi ejo estas tre bone atingebla, same per privata kiel per publika trafiko.

Ni disponas tie pri belega festsalono, babilkafejo kaj manĝejo, merkathalo kaj ekspozicia spaco kaj pri pluraj kunvenejoj por la prelegantoj.

La urbo Loveno (Leuven)

La provinca ĉefurbo Loveno troviĝas 25 km-ojn oriente de Bruselo.

Loveno estas belega historia urbo, kie la plej granda katolika universitato de Eŭropo kaj la ĉefsidejo de AB InBev montras siajn spurojn. Belegas la malgranda kaj granda beginejoj.

Vi povos perfekte kombini turisman sabaton kun via partopreno al HungaroMania en dimanĉo. Ni volonte helpos vin rilate tion: sciigu vian intereson pere de la formularo.

Per privata transporto

Loveno troviĝas tuj apud la aŭtostradoj E40 kaj E314 (elirejo 15) kaj ĝi estas do tre bone atingebla aŭte kaj ankaŭ bicikle.

Parkado eblas sur la tereno de la Heilig-Hartinstituto, kiun vi enveturas ĉe la trafiklumoj sur la Naamsesteenweg. La parkejo troviĝas maldekstre kaj dekstre antaŭ la konstruaĵo kaj donas lokon al pli ol 100 veturiloj. Ankaŭ vian biciklon tie eblas lokigi.

Vojpriskribo detala:

Sur la E314 sekvu la elirejon 15 al Loveno: la Boudewijnlaan. Tiun sekvu ĉirkaŭ 2 km-ojn, antaŭ la viadukto turnu dekstren sur la lovenan bulvardon. Ĉe la unuaj trafiklumoj turnu dekstren al Naamsesteenweg, post ĉirkaŭ 500 metrojn trans la fervojo kaj post pliaj 400 metroj ĉe la trafiklumoj maldekstre vi atingas la Heilig-Hartinstituton.

Per publika transporto

La stacio de Loveno estas unu el la plej grandaj en la lando. Rektaj trajnoj alvenas minimume 2x/hore el Antverpeno, Bruselo, Lieĝo kaj multaj aliaj urboj.

Ekde la stacio de Loveno alia trajno portos vin en 5' al la stacio de Heverlee. Ekde la stacio, en la direkton de Namen, turnu post 500 metroj ĉe la trafiklumoj maldekstren al la ejo de HungaroMania.
Aŭ ĉe la stacio de Loveno prenu la buson (nr.o 1, 2, 337 of 616) kiu post 15' alvenas ĵus antaŭ la Heilig-Hartinstituto.